ଶାନ୍ତିର ସହରରେ ଆଜିଠୁ ଆରମ୍ଭ ଢେଙ୍କାନାଳ ବିଶ୍ୱ ପ୍ରସିଦ୍ଧ ଗଜଲକ୍ଷ୍ମୀ ପୂଜା । ତିନୋଟି ପୂଜା ପେଣ୍ଡାଲରେ ଚାନ୍ଦି ମେଢ଼ ସହ ପୂଜା ପାଇବେ ମା ଗଜଲକ୍ଷ୍ମୀ ।
କୋଭିଡ୍ କଟକଣା ମଧ୍ୟରେ ୩୮ଟି ପୂଜା ମଣ୍ଡପରେ ମା’ଲକ୍ଷ୍ମୀଙ୍କ ବିରାଜମାନ ହେବେ । ଚଳିତବର୍ଷ କୋଭିଡ କଟକଣା ଯୋଗୁ ନିରାଡ଼ମ୍ବର ଭାବେ ଗଜଲକ୍ଷ୍ମୀ ପୂଜା ପାଳନ ହେବ। ଆଜି ଠାରୁ ବିଶ୍ୱ ପ୍ରସିଦ୍ଧ ଗଜଲକ୍ଷ୍ମୀ ପୂଜା ଆରମ୍ଭ ହେଉଥିବା ବେଳେ ମୂର୍ତ୍ତିରେ ଶେଷସ୍ପର୍ଶ ଦେବାକୁ କାରିଗର ଲାଗି ପଡ଼ିଛନ୍ତି । ଏଥିପାଇଁ ପ୍ରସିଦ୍ଧ ଗଜଲକ୍ଷ୍ମୀ ପୂଜାର ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଆଜି ସନ୍ଧ୍ୟା ପରେ ସମସ୍ତ ପୂଜା ମଣ୍ଡରେ ପୂଜାର୍ଚ୍ଚନା କରାଯାଇ ମା ଙ୍କର ଆବାହନ କରାଯିବ ।
ଆଜି ପବିତ୍ର କୁମାର ପୂର୍ଣ୍ଣିମା ତଥା ଗଜଲକ୍ଷ୍ମୀ ପୂଜା ଆରମ୍ଭ ହେବ ପୂଜା କମିଟି ସଦସ୍ୟମାନେ କୋଭିଡ କଟକଣା ମାନି ୪ ଫୁଟ ଉଚ୍ଚତାର ମୂର୍ତ୍ତି ତିଆରି
କରିଛନ୍ତି ଚଳିତବର୍ଷ ୨୯ ତାରିଖ ଦିନ ଭସାଣୀ ପର୍ବ ହେଉଥିବାରୁ ନିରାଡ଼ମ୍ବର ଭାବରେ ଉତ୍ସବ ପାଳନ କରାଯିବ ବୋଲି ନିଷ୍ପତ୍ତି ନିଆଯାଇଛି।
ଏଥିପାଇଁ ଜନସାଧାରଣଙ୍କୁ କୋଭିଡ କଟକଣା ମାନି ପୂଜା ପାଳନ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଛି। ଚଳିତବର୍ଷ ପୂଜାରେ ଦୋଳି, ଉଠାଦୋକାନ
ଓ ଫାଷ୍ଟଫୁଡ ଦୋକାନ ନ ଖୋଲିବା ପାଇଁ କଟକଣା ଜାରି କରାଯାଇଛି।
ଜିଲ୍ଲାପାଳ ସରୋଜ କୁମାର ସେଠୀ କୁହନ୍ତି ଯେ, ଗଜଲକ୍ଷ୍ମୀ ପୂଜା ଓଡ଼ିଶା ନୁହେଁ ଦେଶର ପ୍ରସିଦ୍ଧ ପର୍ବ। ଚଳିତବର୍ଷ ଜନସାଧାରଣ କୋଭିଡ କଟକଣା ମାନି ଖୁସି ସହ ପୂଜା କରିବା ପାଇଁ କହିଛନ୍ତି ।
ଜିଲ୍ଲା ଆରକ୍ଷୀ ଅଧିକ୍ଷକ କେ. ଶିବା ସୁବ୍ରମଣୀ କୁହନ୍ତିଯେ, ସମସ୍ତେ କୋଭିଡ କଟକଣା ମାନି ଗଜଲକ୍ଷ୍ମୀ ପୂଜାକୁ ଉପଭୋଗ କରନ୍ତୁ । କିନ୍ତୁମାସ୍କ ଓ ସାନିଟାଇଜର, ସାମାଜିକ ଦୂରତା ମାନି ପୂଜା ପାଳନ କରିବା ପାଇଁ ନିବେଦନ କରିଛନ୍ତି ।
ଆଶୁତୋଷ ପାଢ଼ୀଙ୍କ ରିପୋର୍ଟ ମୋ ଢେଙ୍କାନାଳ
