ଉଦ୍ଘାଟନୀ ଦିବସରେ କଳ୍ପନା ଦାସଙ୍କ ସ୍ମୃତିରେ ପର୍ବତାରୋହଣ । ଢେଙ୍କାନାଳର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ମାଇକ୍ରୋମିଡିଆ ଆୱାରନେସ୍ର ୧୯ତମ ବାର୍ଷିକୋତ୍ସବ ଓ ୩ୟ କପିଳାସ ମହୋତ୍ସବ ଗାଁଦିଆସ୍ଥିତ ପ୍ରସିଦ୍ଧ କପିଳାସ ପୀଠ ଠାରେ ଏଭରେଷ୍ଟ ବିଜୟିନୀ କଳ୍ପନା ଦାସଙ୍କ ସ୍ମୃତିରେ ପର୍ବତାରୋହଣ କାର୍ଯ୍ୟକ୍ରମ ସହ ମହୋତ୍ସବର ଶୁଭଉଦ୍ଘାଟନ ହୋଇଯାଇଛି । କାର୍ଯ୍ୟକ୍ରମରେ ଢେଙ୍କାନାଳ ସାଂସଦ ମହେଶ ସାହୁ, ଉଦ୍ଘାଟକ ରୂପେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ ।
ମୁଖ୍ୟ ଅତିଥି ଭାବେ ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ ଉପସ୍ଥିତ ରହି କ୍ରୀଡାବିତ୍ମାନଙ୍କୁ ଉତ୍ସାହିତ କରିବା ସଙ୍ଗେ ସଙ୍ଗେ ଉପସ୍ଥିତ ପୂଜକମାନଙ୍କୁ ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା ।
ସମ୍ମାନିତ ଅତିଥି ଭାବେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ସାଫଲ୍ୟ ମଣ୍ଡିତ ପ୍ରଧାନ, ଜିଲ୍ଲା ସଂସ୍କୃତି ଅଧିକାରୀ ଶୁକ୍ର ପାଇଁ, ଗଁଦିଆ ବିଡିଓ ଆଶିଷ ରଞ୍ଜନ ସାଇଁ, ରାଜ୍ୟ କଳା ସଂସ୍କୃତି ସଂଘର ଉପସଭାପତି ଅବନୀ କୁମାର ମିଶ୍ର ପ୍ରମୁଖ ଉପସ୍ଥିତ ରହିଥିଲେ । ଏହି ପରିପ୍ରେକ୍ଷୀରେ କପିଳାସର ବାବା ଚନ୍ଦ୍ରଶେଖରଙ୍କ ନିକଟରେ ମଶାଲ ପୂଜା କରାଯାଇ ଅତିଥିମାନଙ୍କ ଦ୍ଵାରା ମଶାଲ ଯାତ୍ରା ଆରମ୍ଭ ହୋଇଥିଲା ଓ ପରେ ପରେ ଏହି କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା ।
ଅନୁଷ୍ଠାନର ସଦସ୍ୟ ଇଂ.ସୌମ୍ୟବ୍ରତ ସାହୁଙ୍କ ନେତୃତ୍ବରେ ବିଭିନ୍ନ ସ୍କୁଲ, କଲେଜ୍, କ୍ଲବ୍ ଓ ଅନୁଷ୍ଠାନରୁ ପ୍ରାୟ ୫୦ରୁ ଉର୍ଦ୍ଧ ଛାତ୍ରଛାତ୍ରୀମାନେ ମନ୍ଦିର ପରିସରରୁ ଦେବସଭା ପର୍ଯ୍ୟନ୍ତ ଯାତ୍ରା କରିଥିଲେ । ଏହି କାର୍ଯ୍ୟକ୍ରମରେ ମାଇକ୍ରୋମିଡିଆର ଉପସଭାପତି ପରେଶ ପଟ୍ଟନାୟକ, ସମାଜସେବୀ ସୁକାନ୍ତ ମିଶ୍ର, ସାମ୍ବାଦିକ ସତ୍ୟସରୂପ ଦାସ, ଅରବିନ୍ଦ ସାହୁ, ହାସ୍ୟ କବି ଶତୃଘ୍ନ ମାଟି ଯୋଗଦାନ କରିଥିଲେ । ପରିଶେଷରେ ନିର୍ଦ୍ଦେଶକ ଅଥୟ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।
ଆସନ୍ତା କାଲି ଦ୍ବିତୀୟ ଦିନରେ ସହରାଂଚଳସ୍ଥିତ ଗୋପବନ୍ଧୁ ଟାଉନ୍ ହଲ୍ରେ ସେଚ୍ଛାକୃତ ରକ୍ତଦାନ ଶିବିର ଆୟୋଜନ ସହ ଅପରାହ୍ନରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେବ । ୧୪ ତାରିଖ ତଥା ତୃତୀୟ ଦିବସରେ ସତନ୍ତ୍ର କବିତା ଆସର କାର୍ଯ୍ୟକ୍ରମ ସହ ସଂଧା କାର୍ଯ୍ୟକ୍ରମରେ ରାଜ୍ୟ ସ୍ତରୀୟ ପ୍ରତିଭା ସମ୍ମାନ ଏବଂ ପୁରସ୍କାର ବିତରଣ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଅନୁଷ୍ଠାନ ପକ୍ଷରୁ ସୂଚନା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସୁଚିତ୍ର ବେହେରା, ଇନ୍ଦ୍ରଜିତ୍ ସାହୁ, ରାଜେନ୍ଦ୍ର ବେହେରା, ଅମନ୍ ଆୟୁଷ୍ମାନ୍ ଦାସ, ଡାଲିନ୍ ଡାଟନ୍, ରବିନ୍ଦ୍ର ପରିଡ଼ା, ପ୍ରିୟଙ୍କା ସାହୁ, ମୋହିନୀ ମୋନାଲିସା, ରାମେଶ୍ୱର ପଟ୍ଟନାୟକ ଓ ବିଭିନ୍ନ ଅନୁଷ୍ଠାନର ସଦସ୍ୟମାନେ ଉପସ୍ଥିତ ରହି ସହଯୋଗ କରିଥିଲେ ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
