ମେଧାବୀ ଛାତ୍ରୀ ଅନ୍ୟା ଅନ୍ୱେଷାଙ୍କୁ ମିଳିଲା ସମ୍ମାନ
ଶ୍ରେୟା ଅନୁଷ୍ଠାନ ତରଫରୁ “ଶ୍ରେୟା ପ୍ରତିଭା ସମ୍ମାନ – ୨୦୨୦” ପ୍ରଦାନ କରାଯାଇଥିଲା। ଢେଙ୍କାନାଳର କେନ୍ଦ୍ରୀୟ ବିଦ୍ୟାଳୟ ଅଷ୍ଟମ ଶ୍ରେଣୀର ଛାତ୍ରୀ ସୁଶ୍ରୀ ଅନ୍ଯା ଅନ୍ୱେଷା ମିଶ୍ରଙ୍କୁ ଅନୁଷ୍ଠାନ ତରଫରୁ ସମ୍ମାନିତ କରାଯାଇଥିଲା। ସୁଶ୍ରୀ ଅନ୍ଯା ଜଣେ ମେଧାବୀ ଛାତ୍ରୀ ଅଟନ୍ତି। ସେ ଚିତ୍ରାଙ୍କନ ଓ ରଚନା ଲିଖନ ପ୍ରତିଯୋଗିତାରେ ଭାଗ ନେଇ ଅଦ୍ୟାବଧି ୨୫୦ରୁ ଅଧିକ ଥର ପୁରସ୍କୃତ ହେଇଛନ୍ତି।
ତାହା ଛଡା PCRA ପରି ଜାତୀୟ ସ୍ତରର ପ୍ରତିଯୋଗିତାରେ ଅଂଶଗ୍ରହଣ କରି ୨୫,୦୦୦ ଟଙ୍କା ମଧ୍ୟ ପାଇଛନ୍ତି। ତାଙ୍କର ଏହି ପ୍ରତିଭା ତୃତୀୟ ଶ୍ରେଣୀରୁ ପରିସ୍ଫୁଟ ହୋଇଥିଲା। ତାଙ୍କର ପ୍ରତିଭାକୁ ସ୍ଵୀକୃତି ଓ ସମ୍ମାନ ଜଣାଇ ତାଙ୍କର ଜନ୍ମଦିନ ଅବସରରେ ଶ୍ରେୟା ଅନୁଷ୍ଠାନ ପକ୍ଷରୁ ତାଙ୍କୁ ଏ ବର୍ଷର ପ୍ରତିଭା ରୂପେ ଚୟନ କରାଯାଇଥିଲା।
ଏହି ଅବସରରେ ଅନୁଷ୍ଠାନର ସମ୍ପାଦକ ଜ୍ୟୋତି ରଞ୍ଜନ ମହାରଣା, ଉପସଭାପତି ଶ୍ରୀମତୀ ବନ୍ଦନା ପଣ୍ଡା, କୋଷାଧ୍ୟକ୍ଷ ଶ୍ରୀମତୀ ସ୍ବର୍ଣ୍ଣଲତା ମିଶ୍ର, ତାଙ୍କର ପିତା ଶ୍ରୀ ଜତିନ୍ଦ୍ର ମିଶ୍ର, ମାତା ଶ୍ରୀମତୀ ନମିତା ତ୍ରିପାଠୀ ଉପସ୍ଥିତ ରହି ପୁଷ୍ପଗଛ, ଉତ୍ତରୀୟ ଓ ମାନପତ୍ର ପ୍ରଦାନ କରିଥିଲେ।
ରିପୋର୍ଟ- ମୋ ଢେଙ୍କାନାଳ
