ଆଜାଦୀ କା ୭୫ ବର୍ଷ ପୂର୍ତି ଅବସରରେ କେନ୍ଦ୍ର ସରକାର ଦେଶ ସ୍ୱାଧୀନତାରେ ବଳିଦାନ ଦେଇଥିବା ଲୋକମାନଙ୍କ ସମ୍ପର୍କରେ ବିଭିନ୍ନ କାର୍ଯ୍ୟକ୍ରମ ଜାରି ରଖିଛନ୍ତି । ଏହି ଅବସରରେ ୧୯୭୧ ମସିହା ଭାରତ-ପାକିସ୍ଥାନ ଯୁଦ୍ଧରେ ଭାରତର ବିଜୟକୁ ସ୍ମରଣୀୟ କରିବା ଉଦେଶ୍ୟରେ ବିଜୟ ବର୍ଷ ପାଳନ କରାଯାଉଛି । ଏହି ଅବସରରେ ରାଜ୍ୟର ବିଭିନ୍ନ ଜିଲ୍ଲାରେ ଥିବା ସମସ୍ତ ଯୋଦ୍ଧା ସୈନିକ ମାନଙ୍କୁ ଭୁବନେଶ୍ୱର ସ୍ଥିତ ରାଜଭବନ ଠାରେ ସମ୍ବର୍ଦ୍ଧିତ କରାଯାଇଥିଲା ।
ଜିଲ୍ଲା କାର୍ଯ୍ୟାଳୟ ଠାରୁ ଜିଲ୍ଲାର ୧୨ ଜଣ ଅବସର ପ୍ରାପ୍ତ ଯୋଦ୍ଧା ସୈନିକଙ୍କୁ ଜିଲ୍ଲାପାଳ ସରୋଜ କୁମାର ସେଠୀ ସ୍ୱାଗତ କରିବା ସହ ସ୍ୱର୍ଣ୍ଣିମ ବିଜୟ ବର୍ଷ ସମାରୋହରେ ଯୋଗଦେବା ନିମନ୍ତେ ସେମାନଙ୍କ ଯାତ୍ରାର ପତାକା ହଲାଇ ଶୁଭାରମ୍ଭ କରିଥିଲେ ।
ଦେଶପାଇଁ ଉତ୍ସର୍ଗୀକୃତ ସେବା କରି ଅନୁନ୍ୟ ବିରତ୍ୱର ପରକାଷ୍ଠା ଦେଖାଇ ଭାରତ ବର୍ଷର ଗାରିମା ବୃଦ୍ଧି କରିଥିବାରୁ ସେମାନେ ଆମ ଗର୍ବ ଓ ଗୌରବ ବୋଲି ଜିଲ୍ଲାପାଳ ଶ୍ରୀ ସେଠୀ ପ୍ରକାଶ କରିଥିଲେ ।
ଏହି ଯାତ୍ରା ଶୁଭାରମ୍ଭ ଅବସରରେ ଅତିରିକ୍ତ ଜିଲ୍ଲାପାଳ ଶଶାଙ୍କ ଶେଖର ଦାଶ,ଜିଲ୍ଲା କାର୍ଯ୍ୟାଳୟର ସମସ୍ତ ଡେପୁଟୀ କଲେକ୍ଟର, ଆସିଷ୍ଟାଣ୍ଟ କଲେକ୍ଟର ପ୍ରମୂଖଙ୍କ ସହିତ ସମସ୍ତ ପଦାଧିକାରୀ ଉପସ୍ଥିତ ରହି ସମସ୍ତ ଯୋଦ୍ଧା ସୈନିକ ମାନଙ୍କୁ ବିଦାୟ ଦେଇଥିଲେ ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
