Thursday, 25/April/2024 09:47
Mo Dhenkanal
ଢେଙ୍କାନାଳ ଖବର

ପ୍ରଭୁ ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉଙ୍କ କପିଳାସ ପୀଠକୁ ଅଧିକ ଆକର୍ଷଣୀୟ କରାଯିବ ।

ଢେଙ୍କାନାଳ, ତା. ୧୭.୦୬.୨୦୨୩ – ଢେଙ୍କାନାଳର ଆରାଧ୍ୟ ଦେବତା ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉ ବିଜେଙ୍କ କପିଳାସ ପୀଠର ସର୍ବାଙ୍ଗୀନ ଉନ୍ନତି ନିମନ୍ତେ ଆଜି କପିଳାସଠାରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ମାନ୍ୟବର ବିଧାୟକ ଶ୍ରୀ ସୁଧୀର କୁମାର ସାମଲ ଯୋଗ ଦେଇ, କପିଳାସ ପୀଠର ଭିଭି ଭୂମିର ଉନ୍ନତି ଏବଂ ସୌନ୍ଦର୍ଯ୍ୟକରଣ ପାଇଁ ସେବାୟତମାନେ ସମସ୍ତ ପ୍ରସ୍ତାବ ଦେବାକୁ କହିଛନ୍ତି ।

FB_IMG_1686103726896
Picsart_22-04-11_10-18-21-175

ଏଥି ନିମନ୍ତେ ସମସ୍ତ ସେବାୟତ ସହଯୋଗ କରିବାକୁ ସେ ଆଶା ବ୍ୟକ୍ତ କରିଛନ୍ତି । ଭିଭି ଭୂମିର ବିକାଶ ଏବଂ ଆନୁଷଙ୍ଗିକ ନିର୍ମାଣ ନିମନ୍ତେ ଆବଶ୍ୟକ ହେଲେ ଭାରତୀୟ ପତତ୍ତ୍ବ ବିଭାଗର ସ୍ବୀକୃତି ନିଆଯିବ ବୋଲି ସେ ପ୍ରକାଶ କରିଛନ୍ତି । ଏହା ଦ୍ବାରା ରାଜ୍ୟ ତଥା ଦେଶରେ ପୀଠର ଖ୍ୟାତି ବୃଦ୍ଧି ପାଇବ ବୋଲି ସେ ମତବ୍ୟକ୍ତ କରିଛନ୍ତି । ପୀଠର ପରିଷ୍କାର ପରିଛନ୍ନତା, ରକ୍ଷଣାବେକ୍ଷଣ ଉପରେ ଅଧିକ ଯତ୍ନବାନ ହେବାକୁ ସେ ପରାମର୍ଶ ଦେଇଛନ୍ତି ।

IMG-20230205-WA0003
Picsart_22-04-11_10-18-21-175

କପିଳାସ ପୀଠର ସର୍ବାଙ୍ଗୀନ ବିକାଶ କରାଯାଇ ରୂପାନ୍ତରଣ କରାଯିବ ବୋଲି ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ପ୍ରକାଶ କରିଛନ୍ତି । ଏଥି ନିମନ୍ତେ ଏକ ପାଞ୍ଚ ଜଣିଆ ବୈଷୟିକ କମିଟି ଗଠନ କରାଯାଇଛି ଏବଂ ଏହି କମିଟି ୩ ଦିନ ମଧ୍ୟରେ ପୀଠର ସର୍ବାଙ୍ଗୀନ ଉନ୍ନତି ଏବଂ ପାରିପାର୍ଶିକ ବିକାଶର ପ୍ରୋଜେକ୍ଟ ପ୍ରଦାନ କରିବାକୁ କହିଛନ୍ତି । ମହିମା ଧର୍ମର ପ୍ରଚାର ପ୍ରସାର ଓ ଯୋରନ୍ଦା ପୀଠର ସର୍ବାଙ୍ଗୀନ ବିକାଶ ପାଇଁ ରାଜ୍ୟ ସରକାର ୧୧୨ କୋଟି ଟଙ୍କା ମଞ୍ଜୁର କରିଛନ୍ତି ଏବଂ ସେହିଭଳି କପିଳାସ ପୀଠର ବିକାଶ ନିମନ୍ତେ ସରକାର ଆବଶ୍ୟକ ଅର୍ଥ ମଞ୍ଜୁର କରିବେ ବୋଲି ସେ ଆଶା ବ୍ୟକ୍ତ କରିଛନ୍ତି ।

Picsart_22-04-11_10-18-21-175

ଦେଓଗାଁ ସରପଞ୍ଚ ଶ୍ରୀ ବିଜୟ କୁମାର ଦେହୁରୀ, କପିଳାସ ପୀଠର ବିକାଶ ଓ ସୌନ୍ଦର୍ଯ୍ୟକରଣ ପାଇଁ ଜଳ ଉତ୍ସ ଗୁଡିକର ଉନ୍ନତି, ଜଳ ସଂରକ୍ଷଣ ବ୍ୟବସ୍ଥା, ଯାତ୍ରୀ ବିଶ୍ରାମାଗାର, ପାକିଂ ବ୍ୟବସ୍ଥା, ପାନୀୟଜଳ ବ୍ୟବସ୍ଥା, ପର୍ଯ୍ୟାପ୍ତ ଆଲୋକିକରଣ, ଡ୍ରେନେଜ ବ୍ୟବସ୍ଥା, ସାଇଜେଜ ବ୍ୟବସ୍ଥା, ନଳକୂପ ବ୍ୟବସ୍ଥା, ସ୍ଥାୟୀ ବର୍ଜ୍ୟ ବସ୍ତୁ ପରିଚାଳନା ବ୍ୟବସ୍ଥା, ପାହାଚର ଉନ୍ନତି କରଣ ଏବଂ ଯାତ୍ରୀ ବିଶ୍ରାମ ସ୍ଥଳ ନିର୍ମାଣ, ପାହାଚରେ ରେଲିଙ୍ଗ ବ୍ୟବସ୍ଥା, ବିଭିନ୍ନ ମଠର ପୁନର୍ବିକାଶ, ରାସ୍ତା ପାର୍ଶ୍ଵର ଉନ୍ନତି, ଅଧ୍ବକ ଶୌଚାଳୟ ନିର୍ମାଣ, ଶ୍ରଦ୍ଧାଳୁଙ୍କ ନିମନ୍ତେ ଖରା ବର୍ଷାରୁ ରକ୍ଷା ନିମନ୍ତେ ଆଶ୍ରୟସ୍ଥଳୀ ବ୍ୟବସ୍ଥା, ସୁରକ୍ଷା ପାଚେରୀ ନିର୍ମାଣ, ସି ସି କ୍ୟାମେରା ବ୍ୟବସ୍ଥା, ଟେଲି ଯୋଗାଯୋଗ ନିମନ୍ତେ ଟାୱାର ପ୍ରତିଷ୍ଠା, ସେବାୟତ ମାନଙ୍କ ନିମନ୍ତେ ବିଶ୍ରାମାଗାର, ଆନନ୍ଦ ବଜାରର ବିକାଶ ଆଦିର ଆବଶ୍ୟକତା ସମ୍ପର୍କରେ ବୈଠକରେ ଅବଗତ କରାଇଥିଲେ ।

ସୂଚନା ଯୋଗ୍ୟ, କପିଳାସ ପୀଠର ଉନ୍ନତି ପାଇଁ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ମଞ୍ଜୁର ହୋଇଥିବା ୪ କୋଟି ୭୩ ଲକ୍ଷ ୫୬ ହଜାର ଟଙ୍କା ବ୍ୟୟ କରାଯିବ ବୋଲି ପର୍ଯ୍ୟଟନ ଅଧିକାରୀ ଶ୍ରୀ ଜଗଦୀଶ ରାୟ ପ୍ରକାଶ କରିଛନ୍ତି ।

ଏହି ବୈଠକରେ ବନଖଣ୍ଡ ଅଧିକାରୀ ଶ୍ରୀ ସୁମିତ କୁମାର କର, ଭାରତୀୟ ପନୂତତ୍ବ ବିଭାଗର ପର୍ଯ୍ୟବେକ୍ଷକ ଶ୍ରୀ ଶୁଭେନ୍ଦୁ କୁମାର ଖୁଣ୍ଟିଆ, ଗନ୍ଦିଆ ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ରୀନାରାଣି ଖଟୁଆ, ବିଭାଗୀୟ ଅଧିକାରୀ, ପୋଲିସ କର୍ମକର୍ତ୍ତା, ପୀଠର ସମସ୍ତ ସେବାୟତ ମାନେ ଉପସ୍ଥିତ ଥିଲେ ।

ପ୍ରାରମ୍ଭରେ ସଦର ଉପଜିଲ୍ଲାପାଳ ସୁଶ୍ରୀ ସ୍ନିଗ୍ଧା ରାଣୀ ଧଳ ପୀଠର ବିକାଶ ସମ୍ପର୍କରେ ସୂଚନା ପ୍ରଦାନ କରିଥିଲେ । ଶେଷରେ ପୀଠର ମୁଖ୍ୟ ସେବାୟତ ଶ୍ରୀ ନିରଞ୍ଜନ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

ବ୍ୟୁରୋ ରିପୋର୍ଟ ମୋ ଢେଙ୍କାନାଳ

Related posts

ଏକକାଳୀନ ସାଧାରଣ ନିର୍ବାଚନ ପାଇଁ ରାଜନୈତିକ ଦଳର ପ୍ରତିନିଧି ମାନଙ୍କ ସହିତ ନିର୍ବାଚନ ଅଧିକାରୀମାନଙ୍କ ଆଲୋଚନା।

Mo Dhenkanal

ଢେଙ୍କାନାଳ ଲୋକସଭା ପାଇଁ ବିଜେଡିରୁ ଲଢ଼ିବେ ଯୁବ ସମାଜସେବୀ ଡ଼ା. ଅବିନାଶ ସାମଲ ।

Mo Dhenkanal

ଫେବ୍ରୁଆରୀ ୨୧ରେ ହେବ ଜାତୀୟ ଗୋଲୋକ ବିହାରୀ ଧଳ ଭାଷା ସମାବେଶ !

Mo Dhenkanal

Leave a Comment

fifteen − 1 =