ମୋ ଢେଙ୍କାନାଳ: ସଦର ମହକୁମା ଠାରେ ଜିଲ୍ଲା ସ୍ୱଳ୍ପ ସଞ୍ଚୟ ବିଭାଗ ଆନୁକୁଲ୍ୟରେ ବିଶ୍ୱ ମିତବ୍ୟୟିତା ଦିବସ ପାଳିତ ହୋଇଯାଇଛି । ଜିଲ୍ଲା କାର୍ଯ୍ୟାଳୟ ପରିସରରେ ଜିଲ୍ଲାପାଳ ସରୋଜ କୁମାର ସେଠୀ ମିତବ୍ୟୟିତା ସଚେତନତା ରଥକୁ ପତାକା ହଲାଇ ଶୁଭାରମ୍ଭ କରିଥିଲେ । ଏହି ଅବସରରେ ଅତିରିକ୍ତ ଜିଲ୍ଲାପାଳ ଶଶାଙ୍କ ଶେଖର ଦାଶ ଜିଲ୍ଲା କାର୍ଯ୍ୟାଳୟ ପରିସରରେ ବୃକ୍ଷରୋପଣ କରିଥିଲେ ।
ଏହି କାର୍ଯ୍ୟକ୍ରମରେ ଜିଲ୍ଲା ସ୍ୱଳ୍ପ ସଞ୍ଚୟ ଅଧିକାରୀ ପ୍ରଜ୍ଞାଶ୍ରୀ ପ୍ରିୟମ୍ବଦା, ଜିଲ୍ଲା ସ୍ୱଳ୍ପ ସଞ୍ଚୟ ବିଭାଗର କର୍ମଚାରୀ ଓ କ୍ଷମତା ପ୍ରାପ୍ତ ଏଜେଣ୍ଟମାନେ ଉପସ୍ଥିତ ଥିଲେ । ପ୍ରଥମେ ସଞ୍ଚୟ ଦ୍ୱିତୀୟେ ବ୍ୟୟ, ଜଳବିନ୍ଦୁ ସମ ସଞ୍ଚିତ ଯିଏ ,ସାଗର ଭଳି ଧନ ପାଇବ ସିଏ, ମିତବ୍ୟୟୀ ହୋଇ ସଂଚୟ କରନ୍ତୁ ,ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ, ମିତବ୍ୟୟୀ ହୋଇ ଧନ ସଞ୍ଚିବା, ନିଜଭବିଷ୍ୟତ ତଥା ଦେଶ ଗଢିବା ଆଦି ସ୍ଲୋଗାନ ଦେଇ ମିତବ୍ୟୟିତା ରଥ ସହର ପରିକ୍ରମା କରି ସଚେତନତାର ବାର୍ତ୍ତା ପ୍ରଚାର କରିଥିଲା ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
