ଚଳିତ ବର୍ଷ ୩୭ତମ ଜାତୀୟ କ୍ରୀଡ଼ା ପ୍ରତିଯୋଗିତା ଖୋ ଖୋ ଖେଳରେ ଓଡ଼ିଶା ବାଳକ ବିଭାଗ ରନର୍ସଅପ ହୋଇ ରୌପ୍ୟ ପଦକ ହାସଲ କରିଛନ୍ତି ଢେଙ୍କାନାଳ ଜିଲ୍ଲାର ଓଡ଼ାପଡା ବ୍ଳକ କାଣ୍ଡବିନ୍ଧା ଗ୍ରାମର ଅଧିବାସୀ ଚନ୍ଦନ କୁମାର ସାହୁ ।
ଆଜି ଢେଙ୍କାନାଳ ପହଞ୍ଚିବା ପରେ ଜିଲ୍ଲା କାର୍ଯ୍ୟାଳୟରେ ଜିଲ୍ଲାପାଳ ମନୋରଞ୍ଜନ ମଲ୍ଲିକ ଓ ଆରକ୍ଷୀ ଅଧିକ୍ଷକ ଜ୍ଞାନ ରଞ୍ଜନ ମହାପାତ୍ର ଏବଂ ଅନ୍ୟାନ୍ୟ ବରିଷ୍ଠ ପ୍ରଶାସନ ଓ ପୋଲିସ ପ୍ରଶାସନ ଅଧିକାରୀ ଉପସ୍ଥିତ ରହି ଶ୍ରୀ ସାହୁଙ୍କୁ ପୁଷ୍ପଗୁଚ୍ଛ ଓ ପୁଷ୍ପମାଳ ସହ ମିଠାଖୁଆଇ ସମ୍ବର୍ଦ୍ଧିତ କରିଥିଲେ ।
ଏହି ସଫଳତା ପାଇଁ ଜିଲ୍ଲା କ୍ରୀଡ଼ା ଅଧିକାରୀ ପ୍ରଦୀପ୍ତ କୁମାର ମହାନ୍ତି, କୋଚ ରଞ୍ଜନ କୁମାର ସାହୁ, ସତ୍ୟ ରଞ୍ଜନ ସ୍ପୋର୍ଟ ଏକାଡେମୀର ସଭାପତି ସତ୍ୟବାନ ପାତ୍ର ଓ ସମସ୍ତ କ୍ରୀଡ଼ାବିତ ମାନେ ଅଭିନନ୍ଦନ ଜଣାଇବ ସହ ପ୍ରଶଂସା କରିଛନ୍ତି ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
