ଢେଙ୍କାନାଳ ସଦର ବ୍ଲକ ଚଷାପଡା ଗ୍ରାମର ଶିବଶକ୍ତି ୟୁଥ୍ କ୍ଲବ ପକ୍ଷରୁ ମା’ ସରସ୍ବତୀଙ୍କ ଆଜ୍ଞାଲଡୁ ହୋଇଛି ନିଲାମ । କବିନ୍ଦ୍ର ସାହୁଙ୍କ ତିନି ବର୍ଷର ରେକର୍ଡ଼ କାଟି ଚଳିତ ବର୍ଷ ଢେଙ୍କାନାଳର ପୌରଧ୍ୟକ୍ଷା ଜୟନ୍ତୀ ପାତ୍ର ୮୦,୦୦୦/- ମୂଲ୍ୟରେ ମା’ଙ୍କ ଆଜ୍ଞା ଲଡୁର ବିଜେତା ହୋଇଛନ୍ତି l
ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଶ୍ରୀମତୀ ପାତ୍ର ଯୋଗଦେଇ ପ୍ରଦୀପ ପ୍ରଜ୍ଜ୍ବଳନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ ଏବଂ କ୍ଲବର ସଭାପତି ଅଜିତ୍ ରାଉତ, ଉପସଭାତି ସଞ୍ଜୟ ସାହୁ, ସମ୍ପାଦକ ବିଦ୍ୟାଧର ସେଠୀ
ଓ କୋଷାଧ୍ୟକ୍ଷ ସର୍ବେଶ୍ୱର ସାହୁଙ୍କ ସହିତ ସମସ୍ତ ସଦସ୍ୟଙ୍କ ମିଳିତ ଆନୁକୂଳରେ ଆୟୋଜନ ହୋଇଥିଲା l
ଏହି କାର୍ଯ୍ୟକ୍ରମରେ ଓଡ଼ିଶାର ବିଶିଷ୍ଟ ସୁନାମଧନ୍ୟ କଣ୍ଠଶିଳ୍ପୀ ଇରା ମହାନ୍ତି ଓ ତାଙ୍କ ଟିମଙ୍କ ଦ୍ଵାରା ସଙ୍ଗୀତ ସହ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l
ଏହି କାର୍ଯ୍ୟକ୍ରମରେ ସମାଜସେବୀ ରାମଚନ୍ଦ୍ର ପାତ୍ର, ଅଂଚଳର ବିଶିଷ୍ଟବ୍ୟକ୍ତି ଏବଂ ଜନସାଧାରଣ ପ୍ରମୁଖ ଯୋଗଦେଇଥିଲେ l
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
