ରୋଟାରିକ୍ଲବ ରାଜଧାନୀ, ଭୁବନେଶ୍ୱର ଆନୁକୂଲ୍ୟରେ ଆବାହିକା ନାରୀକଵି ରୋଟାରିଆନ ସସ୍ମିତା ଦାଶଙ୍କ ଆବାହକତ୍ୱରେ ରବିବାର ଦିନ ଢେଙ୍କାନାଳ ଗୋପବନ୍ଧୁ ଟାଉନହଲ ପରିସରରେ “ସାହିତ୍ୟ ସମ୍ଭାର ସମାବେଶ “କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |
ଏହି ରାଜ୍ୟ ସ୍ତରୀୟ ସାହିତ୍ୟ ସଭା ରେ ମୁଖ୍ୟ ଅତିଥି ନେହେରୁ ଯୁବକେନ୍ଦ୍ର ର ଡେପୁଟି ଡିରେକ୍ଟର ଶ୍ରୀଯୁକ୍ତ ଅଶୋକ ଦାଶ, ମୁଖ୍ୟବକ୍ତା ଭାବେ ବିଶିଷ୍ଟ ସାହିତ୍ୟିକ ଶ୍ରୀଯୁକ୍ତ ପ୍ରଫୁଲ୍ଲ କୁମାର ମାଝି, ସମ୍ମାନନୀୟ ଅତିଥି ଭାବେ “ମାଟିର ସ୍ୱର “ସାହିତ୍ୟ ସଂଗଠନ ର ପ୍ରତିଷ୍ଠାତା ଶ୍ରୀଯୁକ୍ତ ପ୍ରଭାତ ସାହୁ ପ୍ରମୁଖ ଯୋଗ ଦେଇଥିଲେ |
ସଭାପତି ରୋଟାରିଆନ ରୁଦ୍ର ପ୍ରସାଦ ମହାପାତ୍ର ଙ୍କ ସଭାପତିତ୍ୱ ରେ ସମ୍ପାଦକ ରୋଟାରିଆନ ରାକେଶ ମିଶ୍ର କାର୍ଯ୍ୟକ୍ରମ ଟିକୁ ପରିଚାଳନା କରିଥିଲେ |
ରୋଟାରିଆନ ସସ୍ମିତା ଦାଶ ସ୍ୱାଗତ ଭାଷଣ ପ୍ରଦାନ କରିଥିଲେ |ଏହି କାର୍ଯ୍ୟକ୍ରମ ରେ ରାଜ୍ୟ ର 15ଗୋଟି ଜିଲ୍ଲା ର ପ୍ରତିଷ୍ଠିତ କବି ଓ ଲେଖକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା |50ଜଣ କବି କବିତାପାଠ କରିଥିଲେ |
ରୋଟାରିକ୍ଲବ ରାଜଧାନୀ ର ସମସ୍ତ ସଦସ୍ୟ ମାନଙ୍କ ସହଯୋଗ ରେ “ସାହିତ୍ୟ ସମ୍ଭାର ସମାବେଶ “କାର୍ଯ୍ୟକ୍ରମ ଟି ସାଫଲ୍ୟ ମଣ୍ଡିତ ହୋଇଥିଲା |କବିତାପାଠ କରିଥିବା କବି କବୟିତ୍ରୀ ମାନଙ୍କୁ ସ୍ୱତନ୍ତ୍ର ମାନପତ୍ର ଦେଇ ସମ୍ମାନିତ କରାଯାଇଥିଲା.
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
