ଢ଼େଙ୍କାନାଳ : ପୌରାଞ୍ଚଳ ଅନ୍ତର୍ଗତ ରଥଗଡା ସ୍ଥିତ ଭାରତୀୟ ଜୀବନ ବୀମା ନିଗମ ଢେଙ୍କାନାଳ ଶାଖା ପରିସରରେ ନିଗମର ୬୫ ତମ ସ୍ୱନକ୍ଷତ୍ର ଓ ବୀମା ସପ୍ତାହର ଷଷ୍ଠ ଦିବସ ଅବସରରେ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି ।ଏହି ଶିବିରକୁ ଶାଖାର ମୁଖ୍ୟ ପ୍ରବନ୍ଧକ ବୈଷ୍ଣବ ଚରଣ ବେହେରା ଉଦଘାଟନ କରିଥିଲେ । ଏଥିରେ ଶାଖାର ସମସ୍ତ କର୍ମଚାରୀ ଗ୍ରାହକ ମାନେ ରକ୍ତଦାନ କରିଥିଲେ । ଜିଲ୍ଲା ରକ୍ତ ଭଣ୍ଡାରର ଲାବ୍ରୋଟାରୀ ଟେକ୍ନିସିଆନ ପରମାନନ୍ଦ ପଣ୍ଡାଙ୍କ ନେତୃତ୍ୱରେ ଶିବିରରୁ ମୋଟ ୩୦ ୟୁନିଟ ରକ୍ତ ସଂଗ୍ରହ କରାଯାଇଥିଲା ।
ଏହି ରକ୍ତଦାନ ଶିବିରକୁ ନିଗମର ସହକାରୀ ଅଧିକାରୀ ଶୁଭଶ୍ରୀ ମହାନ୍ତି , ମିଡ଼ିଆ କୋଅର୍ଡିନେଟର ମିହିର ଶତପଥୀ, କର୍ମଚାରୀ ରୋଜାଲିନି ସାହୁ, ରିତା ଦାସ, ମକରଧ୍ବଜ ବିଶ୍ୱାଳ, ବିକ୍ରମ ବରାଳ ପ୍ରମୁଖ ପରିଚାଳନା କରିଥିଲେ ।
ପରିଶେଷରେ ରକ୍ତଦାତାମାନଙ୍କୁ ମାନପତ୍ର ପ୍ରଦାନ କରାଯାଇଥିଲା ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
