କାମାକ୍ଷାନଗର ବ୍ଲକ୍ ଅନ୍ତର୍ଗତ ଆଳୁତୁମା ଉଚ୍ଚ ବିଦ୍ୟାଳୟକୁ ପରିଦର୍ଶନ କରି ମୋ ସ୍କୁଲ୍ ଅଭିଯାନର ସମୀକ୍ଷା କରିଛନ୍ତି ଢେଙ୍କାନାଳ ସାଂସଦ ମହେଶ ସାହୁ ।
ରାଜ୍ୟ ସରକାରଙ୍କ ତରଫରୁ ମୋ ସ୍କୁଲ୍ ଅଭିଯାନ ଯୋଜନା ମାଧ୍ୟମରେ ଅନ୍ତର୍ଭୁକ୍ତ ବିଦ୍ୟାଳୟ ଗୁଡିକର ବିକାଶ ତଥା ଛାତ୍ରଛାତ୍ରୀଙ୍କର ଶିକ୍ଷା କ୍ଷେତ୍ରରେ ମାନଦଣ୍ଡ ବଢାଇବା ପାଇଁ ଯେଉଁ ସବୁ ଯୋଜନାମାନ ପ୍ରଣୟନ କରାଯାଇଛି ତାହା ସମୀକ୍ଷା କରିଥିଲେ ।
ଆଳୁତୁମା ସ୍କୁଲ୍ରେ ୩୨୮ ଛାତ୍ରଛାତ୍ରୀଙ୍କ ଶିକ୍ଷାର କେପରି ବ୍ୟବସ୍ଥା ହୋଇଛି ତାହା ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ବନଲତା ସାହୁଙ୍କୁ ପଚାରି ବୁଝିଥିଲେ । ପ୍ରତ୍ୟେକ ମାସରେ ଶନିବାର ଅଭିଭାବକମାନଙ୍କୁ ଡାକି ମୋ ସ୍କୁଲ୍ କାର୍ଯ୍ୟକ୍ରମ ବିଷୟରେ ବୈଠକ କରାଯାଉଛି କି ନାହିଁ ରେଜିଷ୍ଟର୍କୁ ଯାଞ୍ଚ କରିଥିଲେ ।କୋଭିଡ୍ ସମୟରେ ସ୍କୁଲ୍ରେ ଶାରିରୀକ ଶିକ୍ଷକ ଛାତ୍ରଛାତ୍ରୀ ମାନଙ୍କୁ ସଠିକ୍ ଶାରିରୀକ ଶିକ୍ଷା ଦେବାକୁ ପରାମର୍ଶ ଦେଇଥିଲେ । ସ୍କୁଲ୍ ପକ୍ଷରୁ ଶ୍ରେଣୀ ଗୃହଗୁଡିକୁ ପୁନରୁଦ୍ଧାର କରିବା ପାଇଁ ଜଣାଇଥିଲେ ।
ଏହି ସମୟରେ ସାଂସଦଙ୍କ ସହିତ କାମାକ୍ଷାନଗର ପ୍ରତିନିଧି ହଟକିଶୋର ଗଡନାୟକ, ଶିକ୍ଷକ ସନାତନ ପଟ୍ଟନାୟକ, ଶିକ୍ଷୟିତ୍ରୀ ସଙ୍ଗୀତା ମହାନ୍ତି, ଗିତାଞ୍ଜଳି ନନ୍ଦଙ୍କ ସମେତ ବିଦ୍ୟାଳୟର ଶିକ୍ଷକଶିକ୍ଷୟିତ୍ରୀ ଉପସ୍ଥିତ ଥିଲେ ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
