ଢେଙ୍କାନାଳ ଜିଲ୍ଲାରେ ଗ୍ରୀଷ୍ମ ପ୍ରବାହ ଯୋଗୁ ଜନଜୀବନ ଅସ୍ତବ୍ୟସ୍ଥ ହୋଇପଡିଛି । ଶାନ୍ତିର ସହର ଢେଙ୍କାନାଳରେ ଦିନ ୧୦ଟା ବାଜିଲେ ଘରୁ ବାହାରିବା କଷ୍ଟ ହୋଇ ପଡିଛି । ଟାଣ ଖରା ଯୋଗୁ ଲୋକେ ଛତା, ମୁଣ୍ଡରେ ଗାମୁଛା ବାନ୍ଧି ପଦାକୁ ବାହାରୁ ଛନ୍ତି ।
ବାଟୋଇ ମାନେ ଟାଣ ଖରାରୁ ରକ୍ଷାପାଇବା ପାଇଁ ଆଖୁରସ , ଲସି, ସରବତ, ତରଭୁଜର ସହାରା ନେଉଛନ୍ତି ।
ସହରରେ ପୌର ପରିଷଦ ଓ ବିଭିନ୍ନ ଅନୁଷ୍ଠାନ ମାନଙ୍କ ପକ୍ଷରୁ ବିଭିନ୍ନ ସ୍ଥାନ ମାନଙ୍କରେ ଜଳଛତ୍ର କରାଯାଇଛି । ଚଳିତବର୍ଷ ଏଭଳି ଟାଣ ଖରା ଆଗରୁ କେବେ ଲୋକ ମାନେ ଅନୁଭବ କରିଥିବା ପ୍ରକାଶ କରିଛନ୍ତି । ଟାଣ ଖରା ଯୋଗୁ ଆଖୁରସ, ସର୍ବତ ଭଳି ଦୋକାନ ମାନଙ୍କର ଭଲ ବ୍ୟବସାୟ ହେଉଥିବା ବ୍ୟବସାୟୀ କହିଛନ୍ତି ।
ଅନ୍ୟ ପଟେ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ଜିଲ୍ଲା ପ୍ରଶାସନ ପକ୍ଷରୁ ଗ୍ରୀଷ୍ମ ପ୍ରବାହ ବଢି ଥିବାରୁ ସ୍କୁଲ ଗୁଡ଼ିକୁ ଛୁଟି କରାଯାଇଛି ।
କାମ ନଥିଲେ ଖରାରେ ପଦାକୁ ନ ଯିବା ପାଇଁ ବାରଣ କରାଯାଇଛି । ଦିନ ମଜୁରିଆ ମାନଙ୍କୁ ଟାଣ ଖରାର କାମ ନ କରିବା ପାଇଁ ପରାମର୍ଶ ଦିଆଯାଇଛି । ସମସ୍ତ ପରିସ୍ଥିତିକୁ ମୁକାବିଲା କରିବା ପାଇଁ ପ୍ରଶାସନ ପ୍ରସ୍ତୁତି ଥିବା ଜିଲ୍ଲାପାଳ ସରୋଜ କୁମାର ସେଠୀ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
