ଗତ କାଲି ବୁଧବାର ଦିନ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଥିବାବେଳେ ଢେଙ୍କାନାଳ ନୂଆ ଭୁବନ ଗ୍ରାମ ନୋଡାଲ ହାଇସ୍କୁଲର ଓମ୍ପ୍ରକା ଶ ସାହୁ ୫୮୭ ନମ୍ବର ରଖି ଓଡ଼ିଶାରେ ଦ୍ବିତୀୟ ସ୍ଥାନ ଅଧିକାର କରିବା ସହ ଢେଙ୍କାନାଳ ଟପ୍ପର ହୋଇଥିବା ଜଣାଯାଇଛି।
ଢେଙ୍କାନାଳ ସରସ୍ୱତୀ ଶିଶୁ ବିଦ୍ୟାମନ୍ଦିରର ପାସ୍ ହାର ଶତ ପ୍ରତିଶତ ରହିଥିବାବେଳେ ବିଦ୍ୟାଳୟର ଛାତ୍ରୀ ମୋନାଲିସା ସାହୁ ୫୮୬ ନମ୍ବର ରଖି ଢେଙ୍କାନାଳରେ ଦ୍ୱିତୀୟ ସ୍ଥାନ ଅଧିକାର କରିଛନ୍ତି ।
ସରସ୍ବତୀ ଶିଶୁ ବିଦ୍ୟାମନ୍ଦିରର ମୋଟ ୧୩୫ ପରୀକ୍ଷାର୍ଥୀଙ୍କ ମଧ୍ୟରୁ ଏ ୧ରେ ୧୮, ଏମ ରେ ୩୨, ବି ୧ରେ ୪୩, ବି ୨ରେ ୨୮, ସି ରେ ୧୨, ଡି ରେ ୨ ଜଣ ରହିଛନ୍ତି। ସେହିପରି ବି.ବି. ହାଇସ୍କୁଲର ପାଶ ହାର ଶତ ପ୍ରତିଶତ ରହିଛି।ମୋଟ ୧୮୨ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ଏକରେ ୫, ଏ ୨ରେ ୨୦, ବି ୧ରେ ୪୧, ବି ୨ରେ ୫୩, ସିରେ ୩୭, ଡି ରେ ୨୬ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ଜିଲାରେ ମୋଟ ୧୫୮୫୧ ରେଗୁଲାର ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ଗ୍ରେଡ-ଏ ୧ରେ ୧୭୦, ଗ୍ରେଡ -ଏ ୨ରେ ୧୩୯୪, ଗ୍ରେଡ-ବି ୧ରେ ୩୪୭୬, ଗ୍ରେଡବି ୨ରେ ୪୧୭୭, ଗ୍ରେଡ ସିରେ ୩୩୧୪, ଗ୍ରେଡ ଡିରେ ୨୨୧୦, ଗ୍ରେଡ ଇରେ ୭୯୩ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି । ସେହିପରି ଏକ୍ସ ରେଗୁଲାର ୫୯ ପରୀକ୍ଷାର୍ଥୀଙ୍କ ମଧ୍ୟରୁ ଗ୍ରେଡ-ଏ ୨ ରେ ଜଣେ, ଗ୍ରେଡ-ବି ୨ରେ ୨, ଗ୍ରେଡ-ସିରେ ୯, ଗ୍ରେଡ-ଡିରେ ୧୫, ଗ୍ରେଡ-ଇରେ ୫ ମୋଟ ୩୨ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
