Thursday, 25/April/2024 04:18
Mo Dhenkanal
ଢେଙ୍କାନାଳ ଖବର

ଢେଙ୍କାନାଳ ପୋଲିସ୍ ଲାଇନ୍ କ୍ଳଷ୍ଟରର ଏଫ୍. ଏଲ୍. ଏନ୍. ଜନଭାଗୀଦାରୀ ସଚେତନତା କାର୍ଯ୍ୟକ୍ରମ -୨୦୨୩ ଅନୁଷ୍ଠିତ

ଢେଙ୍କାନାଳ : ସ୍ଥାନୀୟ ଜର୍ଜ ଉ.ପ୍ରା. ବିଦ୍ୟାଳୟ ପରିସରରେ ସକାଳ ଘ.୦୬.୩୦ ମିନିଟ୍ ରୁ ୦୯ ଘଟିକା ମଧ୍ୟରେ ପୋଲିସ୍ ଲାଇନ୍ କ୍ଳଷ୍ଟରର ଏଫ୍. ଏଲ୍. ଏନ୍. ଜନଭାଗୀଦାରୀ କାର୍ଯ୍ୟକ୍ରମ -୨୦୨୩ ସରକାରଙ୍କ ପ୍ରଦତ୍ତ ନିର୍ଦ୍ଦେଶାନାମା ଅନୁସାରେ ଆୟୋଜିତ ହୋଇଯାଇଛି।

FB_IMG_1686103726896
Picsart_22-04-11_10-18-21-175

ଏହି ଉପଲକ୍ଷେ ଢେଙ୍କାନାଳ ଜିଲ୍ଲା ଶିକ୍ଷକ- ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନର ବରିଷ୍ଠ ଅଧ୍ୟାପିକା ହରପ୍ରିୟା ପୃଷ୍ଟି ମୁଖ୍ୟଅତିଥି ଭାବରେ, ସ୍ଵାଗତିକା ସ୍ଵାଇଁ ଓ ସ୍ନେହଲତା ରାଜ, ଶତାୟୁ,ବ୍ରଜନାଥ ବଡ଼ଜେନା ଉଚ୍ଚ ବିଦ୍ୟାଳୟର ବରିଷ୍ଠ ଶିକ୍ଷକ ତଥା ରାଜ୍ୟ ପୁରସ୍କାର ପ୍ରାପ୍ତ ଜାତୀୟ ଶିଶୁ ବିଜ୍ଞାନ କଂଗ୍ରେସର ଢେଙ୍କାନାଳ ଜିଲ୍ଲା ସଂଯୋଜକ ଡ଼ା. ଦେବୀ ପ୍ରସାଦ ମିଶ୍ର ପ୍ରମୁଖ ଅନ୍ୟତମ ସମ୍ମାନିତ ଅତିଥି ଭାବରେ ଯୋଗଦାନ କରି ସ୍ଵୀୟ ବକ୍ତବ୍ୟରେ ଏହି ଏଫ୍. ଏଲ୍. ଏନ୍. ଜନଭାଗୀଦାରୀ କାର୍ଯ୍ୟକ୍ରମ -୨୦୨୩ ର ଆଭିମୁଖ୍ୟ, ମୌଳିକ ସାକ୍ଷରତା ଓ ସଂଖ୍ଯାଜ୍ଞାନ ଦକ୍ଷତା ହାସଲରେ ମାତା, ପିତା,ଅଭିଭାବିକା, ଅଭିଭାବକ ,ଶିକ୍ଷୟିତ୍ରୀ, ଶିକ୍ଷକ ମାନଙ୍କର ଭୂମିକା, ଦାୟିତ୍ଵ ଓ କର୍ତ୍ତବ୍ୟ ସମ୍ପର୍କରେ ସବିଶେଷ ଆଲୋଚନା କରିଥିଲେ ।ତେଣୁ, ଜାତୀୟ ଶିକ୍ଷାନୀତି ୨୦୨୦ ରେ ଏହାକୁ ଗୁରୁତ୍ୱ ପ୍ରଦାନ କରାଯାଇଛି।

IMG-20230205-WA0003
Picsart_22-04-11_10-18-21-175

ଏହାଦ୍ୱାରା ୨୦୨୬-୨୭ ସୁଦ୍ଧା ତୃତୀୟ ଶ୍ରେଣୀ ଶେଷ କରିଥିବା ସବୁ ପିଲାମାନେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନର ସମସ୍ତ କୌଶଳ ଗୁଡ଼ିକୁ ହାସଲ କରିପାରିବେ ବୋଲି ମଞ୍ଚାସୀନ ଅତିଥିବୃନ୍ଦ ଦୃଢ଼ ଅଭିବ୍ୟକ୍ତି ପ୍ରଦାନ କରିଥିଲେ।

Picsart_22-04-11_10-18-21-175

ଏଥିରେ ଢେଙ୍କାନାଳ ପୋଲିସ୍ ଲାଇନ୍ କ୍ଳଷ୍ଟର ଅନ୍ତର୍ଗତ ୦୯ ଗୋଟି ବିଦ୍ୟାଳୟରୁ ପ୍ରତ୍ୟେକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ, ପ୍ରଧାନ ଶିକ୍ଷକ,ଅଞ୍ଚଳର ଜନପ୍ରତିନିଧି ତଥା ନେତୃମଣ୍ଡଳୀ,ଯୁବ -ପ୍ରତିନିଧି, ଆଂଚଳିକ ଖ୍ୟାତନାମା ଶିକ୍ଷାବିତ୍, ଏଫ୍.ଏଲ୍ .ଏନ୍. ଶିକ୍ଷୟିତ୍ରୀ, ଶିକ୍ଷକ, ମାତା, ପିତା,ଅଭିଭାବିକା, ଅଭିଭାବକ ,ଛାତ୍ରୀ,ଛାତ୍ରମାନେ ବହୁ ସଂଖ୍ୟାରେ ଯୋଗଦାନ କରି ଏଫ୍.ଏଲ୍ .ଏନ୍. ସମ୍ପର୍କରେ ଶପଥପାଠ, ପ୍ଲାକାର୍ଡ଼ ଧରି ସ୍ଲୋଗାନ ମାନ ଦେଇ,ଲିଫଲେଟ୍ ବଣ୍ଟନ ଓ ଗୃହ ଭିତରେ ବାହାରେ ଶାରୀରିକ କ୍ରିୟା -କଳାପ ,ଗଳ୍ପ କଥନ ,ଗଣିତ ଓ ଶବ୍ଦ ଖେଳ, ବିଭିନ୍ନ ଶିକ୍ଷଣ ଭିତ୍ତିକ କାର୍ଯ୍ୟକ୍ରମ ଭଳି ଆହୁରି ଅନେକ ଶିକ୍ଷଣୀୟ ଜନସଚେତନତା ମୂଳକ କାର୍ଯ୍ୟକ୍ରମରେ ସକ୍ରିୟ ତଥା ସଫଳ ଅଂଶଗ୍ରହଣ କରିଥିଲେ।


ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ନଳିନୀ ନାୟକ, ପଙ୍କଜିନୀ କର, ସବିତା ଦ୍ଵିବେଦୀ ଓ ସି. ଆର୍. ସି.ସି. ଝସକେତନ ପ୍ରଧାନ ପ୍ରମୁଖ କାର୍ଯ୍ୟକ୍ରମର ସଫଳ ରୂପାୟନରେ ପ୍ରମୂଖ ଭୂମିକା ନିର୍ବାହ କରିଥିଲେ ।

ସୌମ୍ୟବ୍ରତ ସାହୁ, ମୋ ଢେଙ୍କାନାଳ

Related posts

ଏକକାଳୀନ ସାଧାରଣ ନିର୍ବାଚନ ପାଇଁ ରାଜନୈତିକ ଦଳର ପ୍ରତିନିଧି ମାନଙ୍କ ସହିତ ନିର୍ବାଚନ ଅଧିକାରୀମାନଙ୍କ ଆଲୋଚନା।

Mo Dhenkanal

ଢେଙ୍କାନାଳ ଲୋକସଭା ପାଇଁ ବିଜେଡିରୁ ଲଢ଼ିବେ ଯୁବ ସମାଜସେବୀ ଡ଼ା. ଅବିନାଶ ସାମଲ ।

Mo Dhenkanal

ଫେବ୍ରୁଆରୀ ୨୧ରେ ହେବ ଜାତୀୟ ଗୋଲୋକ ବିହାରୀ ଧଳ ଭାଷା ସମାବେଶ !

Mo Dhenkanal

Leave a Comment

thirteen − 1 =