ଗଁନ୍ଦିଆ ବ୍ଲକ ପିଂଗୁଆ ମିନି ଷ୍ଟାଡିୟମରେ ଷଷ୍ଠ ବାର୍ଷିକ ପ୍ରମୋଦ କୁମାର ସିଂହ ସ୍ମାରକୀ କ୍ରିକେଟ୍ ଟୁରନାମେଣ୍ଟ ଉଦଯାପିତ ହୋଇଯାଇଛି । ଫାଇନାଲ ମ୍ୟାଚ ଗଁନ୍ଦିଆ ଓ ବାଘୁଆବେନା ମଧ୍ୟରେ ଅନୁଷ୍ଠିତ ହୋଇଥିଲା ।
ଗଁଦିଆ କ୍ରିକେଟ୍ କ୍ଲବ ଟସ୍ ଜିତି ୨୦ ଓଭରରେ ଆଠ ୱିକେଟ୍ ବିନିମୟରେ ୨୪୫ ରନ୍ କରିଥିଲା । ଜବାବରେ ବାଘୁଅବେନା କ୍ରିକେଟ୍ ସମସ୍ତ ୱିକେଟ୍ ହରାଇ ୨୩୮ ରନ୍ କରି ପରାଜିତ ହୋଇଥିଲା ।ମନୋଜ କୁମାର ସେଠୀଙ୍କୁ ମ୍ୟାନ ଅଫ୍ ଦି ଓ ରବୀନ୍ଦ୍ର କୁମାର ନାୟକ ଙ୍କୁ ମ୍ୟାନ ଅଫ ଦି ଟୁର୍ଣ୍ଣାମେଣ୍ଟ ପୁରସ୍କାର ପ୍ରଦାନ କରାଯାଇଥିଲା । ଜଗଜିତ ବାରିକ ଓ ମିତୁନ୍ ବାରିକ ଖେଳ ପରିଚାଳନା କରିଥିଲେ ।
ଅପରାହ୍ନରେ ଆୟୋଜିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ସମାଜସେବୀ ଜ୍ଞାନ ରଂଜନ ସିଂ, ମୁଖ୍ୟବକ୍ତା ଭାବେ ଶିକ୍ଷାବିତ୍ ଅନ୍ତର୍ଯ୍ୟାମୀ ବାରିକ ଓ ବିଶେଷ ଅତିଥି ଭାବେ ନଟବର ଓଝା, ପ୍ରକାଶ କୁମାର ପଣ୍ଡା ତ୍ରିଲୋଚନ ପ୍ରଧାନ ପ୍ରମୁଖ ଯୋଗ ଦେଇ ବିଜୟୀ ଦଳକୁ ଟ୍ରଫି ଓ ପୁରସ୍କାର ରାଶି ପ୍ରଦାନ କରିଥିଲାବେଳେ ପରାଜିତ ଦଳକୁ ରନର୍ସ ଅଫ୍ ପୁରସ୍କାର ପ୍ରଦାନ କରିଥିଲେ ।ବାବା ବୁଢ଼ାଦିଅଁ କ୍ରିକେଟ୍ ଟିମ୍ ଦ୍ଵାରା ଆୟୋଜିତ ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ସତିଶ କୁମାର ଦାସ ଓ ସଂପାଦକ କଲ୍ୟାଣ ଭାରତୀ ସାହୁଙ୍କ ସମେତ ସମସ୍ତ ସଭ୍ୟ ସହାୟୋଗ କରିଥିଲେ ।
ବ୍ୟୁରୋ ରିପୋର୍ଟ ମୋ ଢେଙ୍କାନାଳ
